हिन्दू नारीहरुको महान् पर्व तिजको अवसर पारेर बजारमा तिज गीतहरु आउने क्रम तीब्र गतिमा छ । यसैक्रममा गायक खेम सेन्चुरी र गायिका संगम लामिछानेको स्वरमा रहेको तीज गीत ‘धनै ठूलो होकी मनै ठूलो होला’ सार्वजनिक भएको छ ।
‘धनै ठूलो होकी मनै ठूलो होला’ गीतको शब्द सिर्जना विक्रमबाबु विश्वकर्माको रहेको छ । नन्दू परियारको संगीत रहेको यस गीतको संगीत संयोजन, मिक्सिङ श्यामश्वेत रसाइलीले गरेका छन् ।

‘धनै ठूलो होकी मनै ठूलो होला’ गीतको म्यूजिक भिडियोमा चारजना मोडलले अभिनय गरेका छन् । भिडियोमा लोमश शर्मा, नारायणी खत्री, लोसिना लामिछाने, विजय पुन, सरोज प्रजा र जुना एसडीको अभिनय रहेको छ । भिडियोलाई रामेश्वर उप्रेतीले छायाँकन गरेका छन् भने अशोक वि.क.को निर्देशन रहेका छन् । भिडियोलाई संगम लामिछाने युट्यूब च्यानलबाट सार्वजनिक गरिएको छ ।